Jamita di Ibadah Minggu di bagas ni ruas

Johannes 12:12-19

Dihita angka na hinaholongan ni Tuhan Jesus Kristus

Minggunta sadarion margoar minggu Palmarum,na marlapatan mare-mare .na manggombarhon las ni roha manang marolop-olop.Boasa diarahon minggu on hita marlasniroha manang marolop-olop hape dibagasan mingguon do Tuhanta Jesus manaon haporsuhon/sitaonon bolon di hau pinorsilang I,pola sahat rodi na lao mate?

Las nirohanta ima ala diparade jala dilehon Tuhanta Jesus do dirina manuhuk uhum ala ni dosanta,uhumni Debata tu saluhut jolma pardosa,hape gabe Tuhanta Jesus mamorsan uhum ala dosa i.Jala las nirohanta muse,ima hapapatar ni holong ni roha ni Debata dihita manisia.

Dihita na hinaholongan ni Jesus Kristus,marhite turpuk jamita on,adong tolu bagian nanaeng sitiruonta dohot sihangoluhononta ima:

1.         Lasniroha Mamuji pasangap Tuhan I,naeng ma sian haporseaon.

Diolophon na torop I do Jesus mandok”Hosianna lapatanna:Pinasupasu ma naro marhite-hite goar ni Tuhan I”manang Hosianna=Palua ma hami saonari.

Pangolopon ni na torop I tu Jesus na bongot tu Jerusalem,ala mangkirim nasida napaluaon ni Jesus do Bangso I,sian gonggomon ni harajaon Rom,jadi olop-olop nai,ndada naporsea nasida di Jesus Anak ni Debata sipalua jolma  sian nasa dosa dohot hamatean,ai tarida doi,deba sian nasida ido na mandok di tingkki Jesus ditangkup jala di uhum panguhum si Pilatus,laos nasida do mandok parsilangkon dohot mamurai Jesus

2.         Haporseaon na marpambahenan(Marpangulaon)

Sian natoropi adong do na patuduhon las ni roha,huhut laho pasangap Jesus na mardalan tu Jerusalem,Mambahen mare-mare,adong na pahembang ulosna tu dalan,gabe songon ambal mai,bahkan adong na mangelehon halodena si hundulan ni Jesus tu Jerusalem.

Disungguli jamita on do hita,pasangaphon Jesus na paluahon hita sian dosa marhite pambahenan.Di lehon Debata arta(sinadongan) tu hita asa tapangke laho pasangap Tuhan I,Poda3:9a”Pasangap ma Jahowa sian hamoraon mu”

3.         Marroha haporseaon dohot ngolu  na mardame.

Tuhan Jesus na marsihundul di atas ni halode ima patuduhon dohot manggombarhon haporseaon,halambohon dohot dame do haroro nai.

Asa di haroro nai mamboan reformasi,haimbaruaon dingolu ni hajolmaaon dohot diparsaoran,asa naeng nian saluhut naporsea naung tinobus ni Tuhan tai dibagasan ngolu na marhaserepon,ngolu na lambok dohot ngolu na dibagasan dame maradophon saluhut jolma.

Asa tung manang aha pe namasa dingolunta sanarion(parsahiton,ekonomi na lemah,factor sahit Covid 19),ta jangkonma Jesus sipaluai,marhite las ni rohanta,dohot pambahenonta na tama di adopanNa,huhut marroha hadameon sude I”namasa sonari”molo tajangkon Jesus malua do hita sian mara I,huhut taihuthon ma arahan ni pamarenta asa dijabunta be hita(Pdt.Haposan Manalu).
GKPI Pakpahan Resor Pangaribuan