Jujur Ngolu

JUJUR NGOLU/RIWAYAT HIDUP NI OP TOBOK ROULI Br HARIANJA

Amanta Raja,Inanta soripada,Raja ni dongan tubu,Raja ni boru,Tarlumobi dihamuna raja ni hula-hula nami,saonari jahahonon namima,jujur ngolu/Riwayat hidup ni natua-tua namion,songonnonma:

Ia dainang on boru ni ompung nami ompung Togi Harianja,sada baoa jala lima boru,jala dainang onsi nomor dua di pinomp[ar ni Op Togi Harianja

Ia dainangcon tubu di Harianja tanggal 2 Oktober 1929,jala dibahen ompung nami goarna Dorima Harianja ,Marhasohotan tu damang B Pakpahan nahinan gelar OP Tobok Doli, di Ari Kamis tanggal 21 September 2017,marujung ngolu ma natu-tuanamion di umurna,88 Taon lobi.

Ianangkon ni tua-tua namion,4 mai baoa,5 mai boru.

Anak Siangkaan namargoar Panungkunan Pakpahan gelar Ompu ni si Enjel,mangalap boru ni Raja i Panjaitan sian Lumban Panjaitan,Dibasa-basahon Tuhanta dinasida,1 baoa,2 boru

Anak sipaidua,Namargoar Jekson Pakpahan,gelar Ama Rittar,Mangalap boru ni Raja i Lubis sian Haunatas,Dibasabasahon Tuhanta dinasida 1 Baou,2 boru

Anak Sipaitolu,namargoar Danner Pakpahan,gelar Ama Arvaeni,Mangalap boru ni Raja i Panjaitan sian siabal-abal Sipahutar,Dibasabasahon Tuhanta di nasida 3 Baoa,2 boru

Anak sipaiopat,namargoar Rudi Hartono Pakpahan,gelar Ama Kevin,Mangalap boru ni Raja i Sirait sian Sipoholon,dibasabasahon Tuhanta dinasida,2 Baoa,2 Boru

Boru Siangkangan,namargoar Apentina Pakpahan,Marhamulian tu lae nami Simatupang sian Partungkoan,dibasabasahon Tuhanta di nasida,3 Baoa ,3 boru

Boru Sipaidua,namargoar Tiominar Pakpahan,marhamulian tu Lae Nami Pardede sian Sitapongan,sipahutar

Boru Sipai tolu,namargoar Sontiner Pakpahan,Marhamulian tu lae Nami Lumbantoruan Sian Lintong nihuta,dibasabasahon Tuhanta dinasida 2 baoa,1 boru

Boru sipai Opat,namargoar Dortua Pakpahan ,Marhamulian tu lae nami Marpaung sian Sidempuan,dibasabasahon Tuhanta dinasida,2 baoa,1 boru

Boru sipailima,namargoar Berliana Pakpahan,marhamulian tu Lae nami Simangunsong sian lumban sidari,dibasabasahon Tuhanta dinasida 2 baoa,2 boru

Pahompu naung marhasohotan,Sian Anak ima Tobok Rouli boru Pakpahan,tu hela nami Manullang sian Jakarta ,dibasabasahon Tuhanta dinasida 1 bawa,1 Boru.Delfi Nurhaida Pakpahan marhasohotan tu hela nami Tito Andi Rahman sian Jawa Timur,dibasabasahon Tuhanta sada dakdanak Boru.Pahompu sian Anak sipaidua,Yessi Astri marhamulian tu nhela nami Silaban sian Medan,dibasabasahon Tuhanta sada dakdanak Boru

Pahompu sian boru naung marhasohotan,ima Meri Susiani Simatupang,tu bere nami Gultom Sian Batunadua,dibasabasahon Tuhanta di nasida 1 Baoa,1 boru.Antonius Simatupang mangalap boru Simamora sian Sigotom,

Punguma sude pahompu sian Anak 17 Halak,Pahompu sian boru 17 halak,Nini 4 ,Nono 2,jala punguma sude Pinompar ni Natua-tua namion 58 Halak.

IA natua-tua namion,ditingki di ngoluna,ragam do dalan ni ngolu diulahon,asa adong patupaonna laho paborhatton angka ianangkonna.

Natua-tua namion godang do poda di lehon tu hami angka gellengna asa tongtong marsaor, dohot mangulahon angka naringkot di ngolu.

Jadi sahat tu nadijou  Tuhanta natua-tua namion,tongtong do diulahon angka naporlu di ngolu siapari.

Jadi amang Raja,inang Soripada ,Songoni ma Jujur ngolu ni Natua-tua namion,asa gomos hami mangido tu hamu saluhutna,asa boan hamu di tangiang mu, dilehon dihami hahipason  di sude pinomparna angka naso dapot  rongkap dope asa dilehon Tuhan ta sirongkap ni tondina, di na sodapotan parkarejoan dilehon Tuhan ta karejo na hombar , di namarsingkola dilehon bisuk dohot hapistaran di nasida.

Mauliate ma di Tuhanta,mauliate ma nang di hita saluhutna,Botima.............

                                   Lumban Gaol,25 September 2017