Shalom..Horas ito..
Huboto tarilu dope itokku di tikki
on,dipanading di laekku naburju i..hami pe ito songon naso percaya dope di
kejadian I,sai songon na terbayang dope di bohi ni lae na lambok jala na ramah…,molo
ro akka keluarga/tetangga mangapuli hami tu jabu di huta,songgot ma muse roha
huhut tarilu-ilu hami…sude nasida manghatindangkon naburju do laekki,dang pola
godang hata,boasa songoni hatop ibana lao,sai ninna nasida do..
Ito..di tingkion mungkin maol dope diroha ni
ito,manjalo akka hata togar-togar napinasahat ni sude keluarga dohot akka
dongan,wajar doi ito,ala ni borat ni sipingkiron ni ito,alai mangido au tu
ito,ikkon adong do pangkirimon/pengharapan di ngolu ni ito.Berharap Tuhan Yesus
akan menolong,berharap Tuhan Yesus akan menyertai perjalanan hidup
muna,berharap di pudi ni ari,adong akka silas niroha ro tu keluarga ni
ito,berharap sude berekki gabe jolma na hasea,berharap…dan berharap……ala holan
ido pangalu-aluanta ito.
Sotung adong pandelean di ho ito,sotung…dao mai
sian itokku,sipata unang holan tu ginjang bereng ito,bereng tu hambirang
siamun,adong dongan muna na single parent naso adong dongan nasida
marsiurupan,naso adong dongan nasida martukkar pingkiran ,hape ho ito…godang
hami na gabe donganmu menanggung bebanmu,godang keluarga na peduli tu ho
ito,dang loason nami ho sahalakmu tarilu-ilu ito,pos roham…
Ito..sengaja do husurathon on tu itokku,asa boi
au leleng mangkatai dohot ito,ala huboto ngot-ngot dope rohani ito nang songoni
pangkilala nami dison,ala au pe ito sipata dang tartahan au ilungku…Sugari ma
jonok inganan munaon,jalo do hami ro mandapothon itokku dohot sude berekki,haol
onku hamuna gomos unang lomos roha muna
Ito..unang sai matungki hu itokku,ala
parngoluan on ikkon do dalanon,ala ni I ito,pos roham Tu Debata,sai na urupanna
do itokku,sai parmuduon ni Tuhan ido sude akka berekki…unang sai holan na
tangis be itokku,dapothon ito akka donganmu,ulahon ito siulaonmu , ala ikkon
songoni do asa boi pelan-pelan jaloon ni ito arti ni parngoluan on ….. huparsinta
do makkatai dohot ito nang dohot sude berekki lao patoguhon akka pangkirimon
muna,alai di tikki on tung mansai maol dope i…
Ito…Margogo ma ito mandalani parngoluan
on,sotung mandele itokku…Tangiang nami mandongani hamuna ito dohot akka bere
nami I, Horas ma hamuna,songoni nang hami…
Sian Keluarga ni Ibotom namangkaholongi hamu….
